San Paulok, Itun Berrian, hauxe esaten digu: "Maitasuna ulerkorra eta onbera da; ez du inbidiarik, ez da harro, ez da zakarra, ez da berekoia, ez da haserrebera, ez du kaltea kontuan hartzen." (1 Kor. 13:4-5).
Gaur, azaroaren 25ean, mundu osoan gogoratzen eta salatzen dugu indarkeria matxista, hau da, emakumeen aurkako indarkeria. Indarkeria mota hau ez da beti ikusgarria: izan daiteke hitzezkoa, fisikoa, psikologikoa edo bestelako modu batean gertatzen dena. Baina guztietan dagoena hau da: emakumeak gutxiagotu, kontrolatu edo min ematea, norbait "ahulagoa" dela uste dutelako. Gaur, elkarrekin pentsatu eta hitz egingo dugu zer egin dezakegun hori aldatzeko.
Gogoeta pertsonala egiteko galdera hauek proposatzen dizkizuegu:
1.- Zer da
indarkeria matxista? Zer
datorkizue burura hitz horiek entzutean?
2.- Zergatik da garrantzitsua gaur bezalako egun bat izatea?
3.- Zuen inguruan, egon al daiteke indarkeria matxistaren adibiderik? Zer egin genezake horren aurrean?
SARETU, BIHOTZETIK MUNDURA EMAKUMEAREKIN BAT!
