Itun Berrian honela azaltzen da: "Eskertzekoak izan zaitezte beti, gauza guztietan; hori baita Jainkoak Jesusengan daukan nahia zuentzat." (1 Tes 5,18)
"Bizi poza eta eskertzea egunerokoan": Egunero gertatzen zaizkigu gauza txiki asko, baina sarritan ez diegu erreparatzen. Bizitzak oparitzen dizkigun une txiki horiek aitortzea eta eskertzea da zoriontasunaren gakoetako bat. Gogoeta egin dezagun: Zein izan da azkenaldian poz txiki bat eman dizun zerbait? Agian lagun baten irribarrea, eguzkiaren argia goizean edo norbaiten hitz on bat.
Eskerrak emateak ez du zertan zerbait handia izan behar. Oso garrantzitsua da ohartzea bizitzan daukaguna opari dela. Eskertzeko jarrera izateak bihotza zabaltzen digu eta besteekin lotzen gaitu. Zer gertatuko litzateke gaur esker oneko hitz bat esango bazenio norbaiti? Edo egunari begiratuko bazenio zeure buruari galdetuz: “Zertaz eskertuta nago gaur?”
Hausnartu dezagun gaur: Nola aldatuko litzateke gure egunez-egunekoa, poz txiki horiek baloratuko bagenitu eta gehiago eskertuko bagenu? Aurrerantzean, saiatu egunero momentu bat hartzen eskerrak emateko eta bizitzak oparitzen dizun onari begiratzeko.
SARETU, BIHOTZETIK MUNDURA GAUZA TXIKIAK ESKERTUZ!
